طرائف و مواقف ... في الطيارة

الطيارة



وسيلة العصر ... للسفر



قد تضيف متعة و بعد آخر للرحلة



أو قد تفسد بعض ما خططنا له و ننزعج مما يجري داخلها



أو قد تكون تجربة مرعبة أحياناً



و سواء كانت هذه أو تلك



فـ كلها



طرائف و مواقف



تسحتق أن نحكي و نروي عنها



فـ حدثونا عن تجاربكم ... و امتعونا بـ طرافكم



*****



كانت مضيفة مصرية على طيران الإمارات



كل ما تجيب لي وجبة ... تبتسم ابتسامة عريضة



و كانت ذيك أول سفرة لي لـ أمريكا



فـ سألتها " ليه تبتسمين لي ؟ "



قالت "" هما طالبين منا كدا "



<< انا عبالي انعجبت فيني البنت



*****



و مرة كنت محتصر قبل إقلاع الطائرة



فـ رحت الحمام - أجلكم الله -



و داخل الحمام كانت فيه بطانيات النوم في كيس كبير



و انا قاعد في الحمام ... إلا في شخص يحاول يفتح الباب !!



انا مستغرب من تصرفه



و كان واضح يعني انه علامة الغلق موجودة على الباب



و هو مصر انه يفتحه !!



و فجأة ... يفتح الباب و تطلع المضيفة الجوية



قلت لها و انا أتغطى " excuse me "



طالعتني بـ عينن واسعتين و أغلقت الباب بـ سرعة



شكلها كانت تبي البطانيات



لما طلعت ... أبداً ما كانت تناظرني





علمت لاحقاً ... انه يمنع المسافرون من استخدام دورة المياه قبل إقلاع الطائرة



*****



كنت حاط سماعات الوكمان على اذني



و أنا داخل الطيارة ... ذاهب إلى مقعدي



ما أدري أندمجت مع الأغنية و قمت أغني بـ صوت عالي



و أشوف اللي حوالي يضحكون



بس اشوا ... كلهم كانوا اجانب



*****



كانت طيارتي الصبح



و كنت مواصل سهر عشان ما تفوتني



قلت بعوض النوم في الطيارة



الكرسي اللي جنبي كان قاعد فيه ام مع ابنها الصغير ... سنة أو شوي



كان الطفل هداي و يضحك ... و كتكووت ... و مافي أحلى منه



قلت الحمدالله طلع هادي ... و شكلي بـ سحبها بنومه



لكن ... حدث العكس تماماً



من أقلعت الطياراة



قام يصيح و يصارخ و يركل فيني !! و أنا مغمض عيوني أحاول أناوم



تهقون نمت



*****



و طفل ثاني ...



كان قاعد وراي



يركل في الكرسي



فـ خبرت المضيفة عنه



فـ سارت و قالت حق أمه



أمه شو شوت ؟؟



غيرت مكانه ... و قعد يركل في كرسي اللي قاعد جنبي



*****



شخص تصور ما أصدقائه في المطار



فـ جاء الأمن يبحث عنه



قعدنا تقريباً حوالي ساعة وحدة داخل الطيارة ننتظر إقلاعها !!



كمشوه ... و طلعوه بره ... مع شنطته



وش رايكم كيف كان شعوره و ربعه مسافرين عنه ؟



*****



الطيارة كانت مليانة على الآخر



و كان قاعد جنبي أفريقي



شكله من شهر ما تحمم !!



أنواع اختناق الأنفاس و المعاناة ... 6 ساعات !!



*****